വല എന്നതിനു
മുല എന്നു
തെറ്റിയെഴുതിയതിനു
ബാബുവിനെ
സ്കൂളില്നിന്നും
പുറത്താക്കിയ
അയ്യപ്പന്മാഷ് പിന്നീട്
കുട്ടികളുടെ ഉച്ച
ഭക്ഷണത്തിന്റെ
ഫണ്ടില് തിരുമാറിനടത്തി
വിയ്യൂര് സെന്റര്
ജയിലിലായി.
ബാബു,അവനിപ്പോള്
മണ്ണുത്തി വെറ്റിനറി
കോളേജില്
പുതിയ ഒരിനം
കറവയന്ത്രം
വികസിപ്പിച്ചെടുക്കുന്നതിന്റെ
തിരക്കിലാണ്,
ഡോക്ടര് ബാബു.
ചാത്തന്റെ കയ്യില്നിന്നും
ഇന്ത്യയുടെ മേപ്പ്
മോഷ്ടിച്ച
ലില്ലിക്കുട്ടി പിന്നീടു
ഇന്ത്യയുടെ
പ്രധാനമന്ത്രി വരെ
ആകും എന്നമട്ടായി
ചാത്തന്,ഇന്നും
ശിവന്റെ
അമ്പലകുളത്തില്,
പൊന്തക്കാടുകള്ക്കിടയിലിരുന്ന്
വമ്പന് ബിരാലുകളെ
ഊതിപ്പിടിക്കുന്നു.
അക്കാലത്ത് കോയക്കാന്റെ
മതിലില് അരിവാള്ചുറ്റികനക്ഷത്രം
വരച്ചിരുന്ന ആട്സുനീര്
കൊക്കകോളയുടെ
മിഡില്ഈസ്റ്റ്
പരസ്യവിഭാഗം
തലവനായി.
കോയക്കാന്റെ മതിലിപ്പോള്
ഏറെക്കുറെ പൊളിഞ്ഞു
കിടക്കുന്നു,എങ്കിലും
പോസ്റ്ററുകള് ഒട്ടിച്ചിട്ടുണ്ട്,
ബാക്കവിമാരുടെ വയളുകള്,
ഇസ്വലാഹി പ്രഭാഷണങ്ങള്,
അടിമക്ക് അല്ലാഹു പോരെ,
ശശികലട്ടീച്ചറുടെ പൊതുയോഗങ്ങള്,
ഹല്ലേ ലൂലൂ യാ...
ഹല്ലേ ലൂലൂ യാ...
ലൂലൂ...ലൂലൂ...ലൂലൂ...
No comments:
Post a Comment