ചുരുട്ടിമടക്കി എന്നെത്തന്നെ
ജനലിനപ്പുറത്തേക്കു വലിച്ചെറിഞ്ഞു
ഒന്നല്ല പല തവണ
തിരിച്ചുവന്നു
എട്ടാംനിലയിലെ നിന്‍റെ
മുറിയിലേക്കുതന്നെ നിവര്‍ന്നു മലര്‍ന്ന്‍
എനിക്കുമാത്രം മനസിലാകാത്ത
നിന്‍റെയീ വിചിത്രലിപിയിലെന്താണ്
കിടപ്പറമുഴുവന്‍ എഴുതിവെച്ചിരിക്കുന്നത്
അല്ലെങ്കില്‍ത്തന്നെ
എന്തിനാണിത്രയും വെള്ളമുയലുകളെ
കുളിമുറിയിലും അടുക്കളയിലും
ഒളിച്ചു വളര്ത്തുന്നത്
രണ്ടു പൂച്ചകള്‍ക്ക് സ്വപ്നംകാണാന്‍
ഇത്രയും മീനുകളെ
തുടകളില്‍ പച്ചകുത്തിയതെന്തിനെന്ന്
കൊറ്റികള്‍ നിന്നെ
വിചാരണ ചെയ്യുന്ന
ദിനം അകലെയേ അല്ല
വെറുതെയല്ല
നിന്‍റെ സ്വപ്നങ്ങളില്‍
ഒറ്റ ദേശാടനപ്പക്ഷിപോലും
പറന്നിറങ്ങാത്തത്
എനിക്ക്
കാട്ടിലേക്ക് പോകണം
മയിലുകളോടോത്ത് നൃത്തം ചെയ്യണം
മാനുകളോടോത്ത് അരുവിയിലെ
വെള്ളം കുടിക്കണം
പുള്ളിപുലികളെ കെട്ടിപ്പിടിക്കണം
കാട്ടുവള്ളികളിലാടി
മഴയിലുറക്കെ പാടണം
കാട്ടുതേന്‍ കുടിക്കും
കരടിയുടെ മടിയില്‍
തലവെച്ചുറങ്ങണം
ഒടുവിലൊരു ഗുഹാമനുഷ്യന്‍റെ
ഫോസിലുകള്‍ക്കിടയില്‍
മരിക്കാതെ കിടക്കണം
അനശ്വരതയിലേക്ക് കണ്ണുംനട്ട്
ജനലിനപ്പുറത്തേക്കു വലിച്ചെറിഞ്ഞു
ഒന്നല്ല പല തവണ
തിരിച്ചുവന്നു
എട്ടാംനിലയിലെ നിന്‍റെ
മുറിയിലേക്കുതന്നെ നിവര്‍ന്നു മലര്‍ന്ന്‍
എനിക്കുമാത്രം മനസിലാകാത്ത
നിന്‍റെയീ വിചിത്രലിപിയിലെന്താണ്
കിടപ്പറമുഴുവന്‍ എഴുതിവെച്ചിരിക്കുന്നത്
അല്ലെങ്കില്‍ത്തന്നെ
എന്തിനാണിത്രയും വെള്ളമുയലുകളെ
കുളിമുറിയിലും അടുക്കളയിലും
ഒളിച്ചു വളര്ത്തുന്നത്
രണ്ടു പൂച്ചകള്‍ക്ക് സ്വപ്നംകാണാന്‍
ഇത്രയും മീനുകളെ
തുടകളില്‍ പച്ചകുത്തിയതെന്തിനെന്ന്
കൊറ്റികള്‍ നിന്നെ
വിചാരണ ചെയ്യുന്ന
ദിനം അകലെയേ അല്ല
വെറുതെയല്ല
നിന്‍റെ സ്വപ്നങ്ങളില്‍
ഒറ്റ ദേശാടനപ്പക്ഷിപോലും
പറന്നിറങ്ങാത്തത്
എനിക്ക്
കാട്ടിലേക്ക് പോകണം
മയിലുകളോടോത്ത് നൃത്തം ചെയ്യണം
മാനുകളോടോത്ത് അരുവിയിലെ
വെള്ളം കുടിക്കണം
പുള്ളിപുലികളെ കെട്ടിപ്പിടിക്കണം
കാട്ടുവള്ളികളിലാടി
മഴയിലുറക്കെ പാടണം
കാട്ടുതേന്‍ കുടിക്കും
കരടിയുടെ മടിയില്‍
തലവെച്ചുറങ്ങണം
ഒടുവിലൊരു ഗുഹാമനുഷ്യന്‍റെ
ഫോസിലുകള്‍ക്കിടയില്‍
മരിക്കാതെ കിടക്കണം
അനശ്വരതയിലേക്ക് കണ്ണുംനട്ട്
No comments:
Post a Comment