പൊയ്മുഖം വില്ക്കുന്നവരുടെ
ഇടുങ്ങിയൊരു തെരുവില് കൊണ്ടുപോയി
നീയെന്റെ മുഖം വില്ക്കുന്നു
പടിഞ്ഞാറു നിന്നും വന്നൊരു
നാടകക്കാരി അതിനു വിലപേശി
പണിപോയ രണ്ടു കോമാളികളും
ബ്രാവോ സര്ക്കസിലെ ഒരു കുള്ളനും
അതെടുത്തിട്ടൂരിവെച്ചോടും
മദ്യശാലക്കരികെ കൂട്ടംകൂടി
നൃത്തംചെയ്യുന്ന
നാടോടികളുടെ ഓരോ ചുവടുകളിലും
എന്റെ മുഖം തിരസ്കൃതമായിക്കൊണ്ടേയിരിക്കും
വെറുതെ തരാമെന്ന വഴിവാണിഭക്കാരന്റെ
വാഗ്ദാനത്തിനു മുന്നില്
ഒരു തെരുവുതെണ്ടി അതെടുത്താടും
നേരമിരുട്ടി
നഗരം ശൂന്യത എന്ന പേരില്
അവസാനത്തെ നാഴികമണിയുമടിക്കുന്നു
ഒഴിഞ്ഞ നിരത്തില്
ഒറ്റക്കാകാശം നോക്കുന്ന
എന്റെ മുഖം നീയെടുത്തണിയൂ
പാവകളിക്കു പോയ നിന്റെമ്മ
തിരികേ വരും മുന്പേ
സര്ക്കസ് കൂടാരത്തിലെ
പാറാവ് കഴിഞ്ഞു
അന്ധനായ നിന്റെയച്ചന്
വീടണഞ്ഞ് കൂട്ടിലിട്ടു വളര്ത്തും
പച്ചതത്തയ്ക്ക് പനയോല
നല്കും മുന്പേ.
No comments:
Post a Comment