ഒരിടത്ത് ഏറിയ സമയവും തന്‍റെ കിടക്കയില്‍ ചിലവഴിച്ച ഏകാകിയായ ഒരു വൃദ്ധനുണ്ടായിരുന്നു അങ്ങേര്‍ രഹസ്യമായി വീട്ടിലെന്തോ നിധി ഒളിപ്പിച്ചുവെച്ചിരുന്നതായി ചില അടക്കം പറച്ചിലുകളൊക്കെ ഉണ്ടായിരുന്നു.
ഒരു ദിവസം കള്ളന്മാര്‍ അകത്തുകടന്ന് വീട് മുഴുവന്‍ പരതി നിലവറയില്‍ സൂക്ഷിച്ചിരുന്ന വലിയ ഒരു പെട്ടി കണ്ടെത്തി. അവരത് എടുത്തു കൊണ്ടുപോയി തുറന്നു നോക്കിപ്പോള്‍ കണ്ടത് നിറയെ എഴുത്തുകളായിരുന്നു
ആ വൃദ്ധന്‍ തന്‍റെ സുദീര്‍ഘമായ ജീവിത കാലത്തിന്‍റെ വിവിധ ഘട്ടങ്ങളില്‍
സ്വീകരിച്ച പ്രണയ ലേഖനങ്ങളായിരുന്നു അവ. കള്ളന്മാര്‍ അത് കത്തിച്ചു
കളയാനുള്ള പരിപാടിയായിരുന്നു എന്നാല്‍ ഒരു കൂടിയാലോചനക്ക് ശേഷം അവരത് തിരിച്ചു കൊടുക്കാന്‍ തീരുമാനിച്ചു. ഓരോന്ന്‍ ഓരോന്നായി.ആഴ്ചയില്‍ ഒന്ന്‍ എന്ന വിധം അതിനു ശേഷം, എല്ലാ തിങ്കളാഴ്ചയും ഉച്ചക്ക് വൃദ്ധന്‍ പോസ്റ്റ്മാന്‍ പ്രത്യക്ഷപ്പെടുന്നതും കാത്തിരിപ്പായി പോസ്റ്റ്മാനെ കാണുംമ്പോഴെക്കും അയാള്‍ ഓടിയടുക്കും
ഇതെല്ലാം അറിയുന്ന പോസ്റ്റ്മാനോ വൃദ്ധനുള്ള എഴുത്ത് കയ്യില്‍
ഉയര്‍ത്തിപ്പിടിക്കും. ഒരു പെണ്ണിന്‍റെ കയ്യില്‍നിന്നും പ്രണയലേഖനം സ്വീകരിക്കുന്നതിലെ ഉന്മാദം നിറഞ്ഞ സന്തോഷത്തില്‍ ആ ഹൃദയയം മിടിക്കുന്നത് സെയിന്‍റ് പീറ്റര്‍ക്ക് പോലും കേള്‍ക്കാവുന്നതായിരുന്നു.
* Eduardo Galeano യുടെ ആലിംഗനങ്ങളുടെ പുസ്തകം എന്ന പുസ്തകത്തില്‍ നിന്നുള്ള ഒരു കഥ
No comments:
Post a Comment